• Deutsch
  • English
  • Русский
  • o'zbek

Psixologiya yo‘nalishi bo‘yicha talabalar davlat granti asosida o‘qishga maqsadli qabul qilinadi

09.06.2019

Hukumat qarori bilan Yoshlarga ijtimoiy-psixologik xizmat ko‘rsatish respublika markazi tashkil etildi.

Hukumatning 2019 yil 7 iyundagi qarori bilan O‘zbekiston yoshlar ittifoqi Markaziy Kengashi huzuridagi Yoshlarga ijtimoiy-psixologik yordam ko‘rsatish markazi Yoshlarga ijtimoiy-psixologik xizmat ko‘rsatish respublika markazi etib qayta tashkil etildi. Bu haqda «Huquqiy axborot» kanali orqali xabar berildi.

Ta’limning barcha bosqichlarida psixologik xizmat ko‘rsatuvchi tuzilmalar uchun muloqot maydoni sifatida faoliyat yuritish markaz faoliyatning asosiy yo‘nalishi etib belgilandi.

Qaror bilan shuningdek, O‘zbekiston Respublikasida psixologik xizmat ko‘rsatishni yanada takomillashtirish bo‘yicha chora-tadbirlar rejasi tasdiqlandi hamda tegishli tashkilot va idoralarga:

2019/2020 o‘quv yilidan boshlab psixologiya ta’lim yo‘nalishi bo‘yicha talabalarni davlat granti asosida maqsadli qabul qilish;

magistratura bosqichida psixologiya bo‘yicha mutaxassisliklar kvotalarini keskin oshirish choralarini ko‘rish kabi vazifalar yuklatildi.

«Газета.uz»